- वि.सं २o८o भदौ १३ बुधबार
आइएमई पेले कान्तिपुर सिनेमाससँग एक्सक्लुसिब पेमेन्ट पार्टनरसिपको सम्झौता गरेको छ । यो सम्झौताअन्तर्गत कान्तिपुर सिनेमास्को एप तथा वेबसाइटमा आइएमई पे एक मात्र भुक्तानी साझेदारका रूपमा हुनेछ । कान्तिपुर सिनेमास् एक ओटिटी प्लेटफर्म हो ।
जहाँ विभिन्न चलचित्र तथा चलचित्रका शृंखलालाई स्ट्रिमिङ सेवा प्रदान गरिन्छ । आइएमई डिजिटल सोलुसनका तर्फबाट प्रमुख मार्केटिङ अधिकृत सञ्जीवचन्द्र न्यौपानेले भदौ ५ गते सो सम्झौतामा हस्ताक्षर गरेका छन् ।
