- वि.सं २o८o श्रावण २१ आइतबार
काठमाडौंको तारकेश्वर नगरपालिका– ५ मा पहिराेले घर पुरिँदा दुईजनाको मृत्यु भएको छ।
तारकेश्वर– ५ चो गाउँमा गएराति आएको पहिराेले नुवाकोट सामरी घर भई हाल तारकेश्वरस्थित चोगाउँमा भाडामा बस्दै आएका ४१ वर्षीय गणेश तामाङ र उनकी १५ वर्षीया छोरी आस्मा तामाङको मृत्यु भएको जिल्ला प्रहरी परिसर काठमाडौंका प्रवक्ता प्रहरी उपरीक्षक कुमोद ढुंगेलले जानकारी दिए।
उनका अनुसार गएराति घरमाथिबाट खसेको पहिराेले तामाङ भाडामा बस्दै आएको घर (टहरो) पुरिएको हो । सोही घटनामा परी आमा सञ्जु तामाङ घाइते भएकी र उनको प्राथमिक उपचार गरिएको प्रहरीले जनाएको छ।
