- वि.सं २०८१ बैशाख ११ मंगलबार
कैलालीको जोशीपुरमा ट्याक्टर पल्टिँदा दुईजनाको मृत्यु भएको छ । प्रहरीका अनुसार दुर्घटनामा ३१ जना घाइते भएका छन् ।
दुर्घटनामा परी भजनी नगरपालिका– ९ का १५ वर्षीया चाहाना चौधरी र ४६ वर्षीया दिलरानी चौधरीको मृत्यु भएको जिल्ला प्रहरी कार्यालयले जनाएको छ ।
दुर्घटनामा गम्भीर घाइते दुवैजनाको घोडाघोडी अस्पताल सुखडमा उपचारका क्रममा ज्यान गएको जिल्ला प्रहरी कार्यालयक प्रहरी नायब उपरीक्षक कुलदीप चन्दले जानकारी दिए ।
सुगरखालबाट भजनीतर्फ गइरहेको से. १त ८८७० नम्बरको ट्याक्टर जोशीपुर गाउँपालिका– ७ हजारीबारा भन्ने स्थानमा सोमबार राति पल्टिएको हो ।
ट्याक्टरमा ३४ जना सवार थिए । घाइतेहरूको घोडाघोडी अस्पताल र बर्दगोरिया अस्पतालमा उपचार भइरहेको प्रहरी नायब उपरीक्षक चन्दले जानकारी दिए ।
