- वि.सं २o७९ चैत ५ आइतबार
डेभलपमेन्ट बैंकर्स एसोसिएसन नेपालको अध्यक्षमा सांग्रिला डेभलपमेन्ट बैंकका प्रमुख कार्यकारी अधिकृत सुयोग श्रेष्ठ चयन भएका छन् । चितवनमा शुक्रबार सम्पन्न १७औँ वार्षिक साधारणसभाले नयाँ कार्यसमिति चयन गरेको छ ।
एसोसिएसनको उपाध्यक्षमा महालक्ष्मी विकास बैंकका प्रमुख कार्यकारी अधिकृत बोधराज देवकोटा, सचिवमा सिन्धु विकास बैंकका प्रमुख कार्यकारी अधिकृत रामकुमार गिरी र कोषाध्यक्षमा लुम्बिनी विकास बैंकका प्रमुख कार्यकारी अधिकृत नरेशसिंह बोहरा चयन भएका छन् ।
त्यस्तै, सदस्यहरूमा साइन रेसुंगा डेभलपमेन्ट बैंकका प्रमुख कार्यकारी अधिकृत प्रकाश पौडेल, ज्योति विकास बैंकका प्रमुख कार्यकारी अधिकृत श्रीचन्द्र भट्ट र एक्सल डेभलपमेन्ट बैंक प्रमुख कार्यकारी अधिकृत डा. इन्द्र कट्टेल चयन भएका छन् ।
