- वि.सं २o७९ चैत २ बिहीबार
आइसिसी पुरुष विश्वकप डिभिजन लिग– २ को अन्तिम खेलमा अहिले नेपाल र युएई भिडिरहेका छन् ।
कीर्तिपुरस्थित त्रिवि खेलमैदानमा जारी खेलमा टस जितेर ब्याटिङ गरिरहेको युएईले ५० रन पूरा गरेको छ ।
युएईले नवौँ ओभरको पहिलो बलमा ५० रन पूरा गरेको हो । युएईले एक विकेट गुमाएको छ। युएईका कप्तान मोहम्मद वसिमले आक्रामक रूपमा २३ बलमा ३२ रन बनाएर खेलिरहेका छन् ।
हिजो पपुवा न्युगिनीसँगको खेलमा शतक प्रहार गरेका वसिमले आज तीन छक्का प्रहार गरिसकेका छन् । यस्तै, क्रिजमा भ्रित्य अरविन्द नाै रन बनाएर खेलिरहेका छन् ।
यसअघि तेस्रो ओभरको अन्तिम बलमा ललितनारायण राजवंशीले नेपाललाई पहिलो सफलता दिलाएका थिए । उनले सात बलमा ६ रन बनाएका आर्यन लाक्रालाई बोल्डआउट गरे ।
