- वि.सं २o८१ बैशाख ३० आइतबार
सहिद स्मारक ए डिभिजन लिगमा मनाङ मर्स्याङ्दीले चिरपरिचित प्रतिस्पर्धी न्युरोड टिम एनआरटीलाई सहजै पन्छाएको छ।
दशरथ रंगशालामा आज साँझ सम्पन्न खेलमा एनआरटी ३–१ गोल अन्तरले पराजित गर्दै मनाङले महत्वपूर्ण तीन अंक बटुल्यो । यो जितपछि मनाङ लिगको अंकतालिकामा तेस्रो स्थानमा उक्लिएको छ।
खेलको ३९औँ मिनेटमा रोशन रानामगरले मनाङलाई अग्रता दिलाएका थिए । यस्तै, ६९औँ मिनेटमा डाभ्लाट जोनोभ र ८७औँ मिनेटमा कोफी टिमोथीले क्रमशः दोस्रो र तेस्रो गोल गरे ।
एनआरटीका लागि दोस्रो हाफको थपिएको समयमा अशोक थापाले सान्त्वना गोल गरे ।
जारी लिगमा आजको जित मनाङको लागि दोस्रो जित हो । उसले बाँकी दुई खेल भने बराबरीमा टुंग्याएको थियो ।
