मुख्य समाचारफ्रन्ट पेजसमाचारदृष्टिकोणअर्थअन्तर्वार्ताखेलकुदविश्वफिचरप्रदेशपालिका अपडेट
  • वि.सं २०८० चैत १५ बिहीबार
  • Thursday, 28 March, 2024
नयाँ पत्रिका काठमाडौं
२०७९ फाल्गुण ३० मंगलबार १०:१६:००
Read Time : > 1 मिनेट
अर्थ प्रिन्ट संस्करण

इन्डोनेसियाको गेसिट्स स्कुटर बजारमा

एमभी दुगड ग्रुपले पनि भित्र्यायो विद्युतीय सवारीसाधन

Read Time : > 1 मिनेट
नयाँ पत्रिका, काठमाडौं
२०७९ फाल्गुण ३० मंगलबार १०:१६:००

एमभी दुगड ग्रुपअन्तर्गतको विवेक अटोमोबाइल्स प्रालिले इन्डोनेसियाली विद्युतीय टू ह्विलर्स ब्रान्ड गेसिट्स नेपालमा भित्र्याएको छ । नेपाल विद्युत् प्राधिकरणका प्रबन्ध निर्देशक कुलमान घिसिङले एक कार्यक्रमबीच विद्युतीय स्कुटर गेसिट्स सार्वजनिक गरेका हुन् । 

नक्सालमा निर्मित गेसिट्सको नयाँ सोरुममा भएको कार्यक्रममा गु्रपका अध्यक्ष मोतीलाल दुगड, उपाध्यक्ष विवेक दुगड, डाइरेक्टर विजय महतो र गेसिट्स ब्रान्डको एमभी दुगड गु्रप नेपालका लागि प्रमुख कनक जमरको उपस्थिति रहेको जनाइएको छ ।  

 विशेषता
यो स्कुटर रातो, सेतो र कालो गरी तीनवटा रङमा उपलब्ध रहेको जनाइएको छ । यो हालसम्म नेपालमा उपलब्ध भएको सबैभन्दा ठूलो टायर भएको विद्युतीय स्कुटर रहेको कम्पनीको दाबी छ । अन्य स्कुटरमा नभएको मोनो सक यसमा भएको जनाइएको छ । यसका कारण ग्राभेल सडक तथा खाल्डाखुल्डी बाटोमा चलाउँदासमेत बढी लचकता हुने भएकाले चालकलाई थकान कम हुने कम्पनीले उल्लेख गरेको छ ।

यो नेपालमा उपलब्ध स्कुटरमध्ये सबैभन्दा शक्तिशाली विद्युतीय स्कुटर भएकाले देशका सबै भूभागमा उपयुक्त हुने कम्पनीको दाबी छ । ड्राइभ बेल्टसमेत रहेको यो स्कुटरको ब्याट्री निकाल्न मिल्ने हुनाले चोरी हुनबाट जोगाउन निकालेर सुरक्षित स्थानमा राख्न सकिनुका साथै चार्ज गर्न सजिलो रहेको कम्पनीले जनाएको छ । यसमा दुईवटा डिस्कब्रेक भएकाले सुरक्षित रहेको उल्लेख छ । यो स्कुटरले एकपटकको चार्जमा एक सय किलोमिटर रेन्ज दिने कम्पनीको दाबी छ । यसमा रहेको स्मार्ट एलइडी ब्याट्रीमा कम्पनीले तीन वर्षको वारेन्टी प्रदान गरेको छ । 

ब्याट्री पूर्ण चार्ज हुन ९० मिनेट मात्र लाग्ने तथा यसमा बिडिएमएस रहेकाले ओभर चार्जिङ प्रोटेक्सन, ओभर डिस्चार्जिङ प्रोटेक्सन, ओभर करेन्ट प्रिभेन्सन, टेम्परेचर कन्ट्रोल, सर्ट–सर्किट प्रिभेन्सन र सेल इक्वलाइजेसन गर्नसमेत मद्दत गर्ने जनाइएको छ । यसको तौल आठ किलोग्राम मात्र रहेकाले बोक्न सजिलो हुनुका साथै चार्ज गर्दा चार्जिङ गतिविधि ट्र्याक गर्न धेरै सजिलो हुने कम्पनीको दाबी छ । स्मार्ट एलइडी ब्याट्रीको ग्यारेन्टी तीन वर्षको रहेको छ । यसले पूर्ण रूपमा चार्ज गर्दा १.३ युनिट मात्र विद्युत् खपत गर्ने जनाइएको छ ।