- वि.सं २०८१ बैशाख ७ शुक्रबार
पपुवा न्युगिनी (पिएनजी)को ब्याटिङ अर्डर पुनः धराशायी बन्दै गएको छ । स्पिनरहरूको घातक बलिङका अगाडि पिएनजीका ब्याटर निरीह देखिएका छन् ।
पिएनजीले २०औँ ओभरको पहिलो बलमा चौथाे विकेट गुमाएको छ । नेपाललाई चौथो सफलता सन्दीप लामिछानेले दिलाएका हुन् ।
आफ्नो दोस्रो विकेट लिने क्रममा सन्दीपले पिएनजीका कप्तान असद भालालाई आउट गरे । ३१ बलको सामना गरेका असदले एक चौकाको सहायताले २० रन बनाएका थिए ।
यसअघि सन्दीपले पिएनजीको तेस्रो विकेट लिएका थिए । यस्तै, युएईसँगको खेलका हिरो ललितनारायण राजवंशी र सोमपाल कामीले पनि एक–एक विकेट लिइसकेका छन् ।
