प्रतिनिधिसभा सभामुख पदका लागि मतदान प्रक्रिया सुरु भएको छ।

सभामुखको निर्वाचनका लागि मतदान प्रक्रिया सुरु भएको हो। सभामुखका लागि सत्तागठबन्धनबाट एमालेका सांसद देवराज घिमिरे र कांग्रेसबाट ईश्वरीदेवी न्यौपाने प्रतिस्पर्धामा छन्। 

घिमिरेको प्रस्तावकमा सुवासचन्द्र नेम्वाङ, समर्थकमा हितराज पाण्डे, राजेन्द्रप्रसाद लिङ्देन र रवि लामिछाने छन् भने न्यौपानेको प्रस्तावकमा विश्वप्रकाश शर्मा र समर्थकमा प्रकाश ज्वाला छन्। दुई सय ७५ सदस्य रहेको प्रतिनिधिसभामा सभामुख जित्न एक सय ३८ मत आवश्यक पर्छ।