हाइड्रोजन भरिएको ग्यास सिलिन्डर विस्फोट, एकजनाको घटनास्थलमै मृत्यु

Read Time : < 1 मिनेट

डिलाराम भुसाल, कपिलवस्तु

नयाँ पत्रिका

२o८१ बैशाख ३० आइतबार १७:४६:oo

कपिलवस्तुको वाणगंगा नगरपालिका– ९ चौहर्वामा हाइड्रोजन ग्यास भरिएको सिलिन्डर पड्किँदा एकजनाको घटनास्थलमै ज्यान गएको छ।

मृत्यु हुनेमा वाणगंगा– ८ सिसेनीका अन्दाजी ६५ वर्षीय नासिद अहमद पाखिया छन्। उनको घटनास्थलमै मृत्यु भएको प्रहरीले जानकारी दिएको छ। सँगै रहेका नासिदका बुवा र छोरा घाइते भएका छन्।

वाणगंगामा आजबाट सुरु भएको चौथो माघी महोत्सवमा घटना भएको हो। बेलुनमा भर्ने हाइड्रोजन ग्यास भरिएको सिलिन्डर पड्किएर विस्फोट हुँदा घटना भएको प्रहरीले जनाएको छ।

#ग्यास सिलिन्डर विस्फोट