- वि.सं २o७९ मङ्सिर ६ मंगलबार
सप्तरी २ को मतगणना रोकिएको छ । मतपेटिकाको सिल नम्बर फरक रहेको भन्दै प्रतिनिधिले आशंका व्यक्त गरेपछि भएपछि मतगणना रोकिएको हो ।
मंगलबार साँझ सवा ९ बजेतिर मतपेटिकाको सिल नम्बर फरक देखिएको दलका प्रतिनिधिहरूको आरोप छ । पेटिकाको सिल नम्बर मिलाउन पटक–पटक आग्रह गर्दा प्रमुख निर्वाचन आयुक्तले नम्बर मिलाउन नमानेको जनता समाजवादी पार्टीका दिनेश यादवले दावी गरे ।
सिल नम्बर मिलाउन नमानेपछि माओवादी र लोकतान्त्रिक समाजवादीका नेता कार्यकर्ताले अहिले मतगणनास्थलअगाडि प्रदर्शन गरिरहेका छन् । नम्बर मिलाएपछि मात्रै गणना सुरु गर्नुपर्ने उनीहरूको माग छ ।
मणनास्थलमै दलका कार्यकर्ता नारावाजीमा उत्रिएपछि सप्तरीका प्रमुख जिल्ला अधिकारी भूपेन्द्र थापाले तत्काललाई मतगणना रोकेर आवश्यक छलफल भइरहेको जानकारी दिए ।
