- वि.सं २o८१ चैत २५ सोमबार
नेपाल विद्युत् प्राधिकरणका कार्यकारी निर्देशक कुलमान घिसिङको बर्खास्तीविरुद्ध आइतबार काठमाडौंको माइतीघर क्षेत्रमा प्रदर्शन गरिएको छ । नागरिक समाजका अगुवा डा. गणेश योञ्जनको नेतृत्वमा भएको प्रदर्शनमा कुलमानलाई पुनः नियुक्त गर्नुपर्ने र ऊर्जामन्त्री दीपक खड्काले राजीनामा दिनुपर्ने माग गरिएको थियो ।
साथै, प्रदर्शनकारीले कुलमानलाई देशको नेतृत्व गर्ने अवसर दिनुपर्नेसमेत माग राखेका थिए । १८ घण्टाको लोडसेडिङ हटाएझैँ कुलमानले मुलुकको नेतृत्व गरेर विकृति र विसंगति पनि हटाउन सक्ने क्षमता राख्ने प्रदर्शन पक्षधरको भनाइ थियो ।
नागरिक अभियन्ता डा. योञ्जन, डा. सुन्दरमणि दीक्षित र शान्ताप्रकाश श्रेष्ठले सरकार गलत बाटोमा लागेकाले आन्दोलन आवश्यक रहेको बताए ।
