Skip This
रसुवागढी नाका बन्द भएपछि चीनसँग कोराेला नाकाबाट आयात बढेकोमा कालीगण्डकी करिडोर अवरुद्ध भएपछि सो नाकामा पनि अवरोध भएको छ। असोज ८ गतेदेखि परेको अविरल वर्षाको कारणल मालढुंगा– बेनी–जोमसोम–कोराेला सडक योजनाको विभिन्न खण्डमा पहिरो, सडक कटान गरेकाले सडक अवरुद्ध छ।
उक्त सडकखण्डमा पर्ने फर्से, जुकेखोला, केराबारी, गलेश्वर, रघुगंगा पुल, बैसरी १, २, ३, बेगखोला, महभिर, नैनीबगर, जलथले, सुकेबगर, दाना, लाटोखोला भन्ने स्थानमा सडक माथिबाट लेदोसहितको पहिरो गएर सडक अवरुद्ध भएको हो। त्यस्तै, पोखरेबगर पुलको पहुँचमार्ग बगाएको, तातोपानी कुण्ड, नाच्य्रांङ, खामभित्ता भन्ने स्थानमा नदीको उच्च बहाबको कारणले बाटो कटान भएकाले सडक अवरोध भएको छ। उक्त अवरोध भएको सडकखण्डलाई सञ्चालन गर्न सडक विभाग एवं सो मातहतका निकायहरूले काम थालेका छन् । केही स्थानहरूमा सडक नियमित भइसकेको र आगामी दिनमा वर्षा रोकिएर काममा कुनै अवरोध नभएमा तीनदेखि ६ दिनभित्र सडक सञ्चालन गर्ने लक्ष्य छ ।
