- वि.सं Invalid date format
आम जनता पार्टीका अध्यक्ष प्रभु साहले सफाइमा योगदान गर्ने कबाडी व्यवसायीलाई काठमाडौंका दुस्मनका रूपमा प्रस्तुत गरिएको भन्दै असन्तुष्टि जनाएका छन्।
दैनिक ट्रकका ट्रक काम नलाग्ने फोहोर निकालेर पुनः काम लाग्ने बनाउने कबाडी व्यवसायीहरूलाई काठमाडौं महानगरले दुस्मनको व्यवहार गरेको भन्दै उनले शुक्रबारको प्रतिनिधिसभा बैठकमा असन्तुष्टि जनाएका हुन्।
‘काठमाडौं स्मार्ट सिटी हो, यसमा कबाडी राख्नुहुँदैन, कबाडीले फोहोर गर्छन् भन्ने कैयौँ व्यक्तिको कुरा सुन्छु। तिनीहरूलाई म भन्न चाहन्छु– कबाडीहरूले सफाइ गरिरहेको छ कि फोहोर गरिरहेको छ ? दिनकै ट्रकका ट्रक काम नलाग्ने चिजलाई निकालेर फ्याक्ट्रीमा पुर्याउने र काम लाग्ने बनाउनेहरू के काठमाडौंका दुस्मन हुन् ?’ साहले प्रश्न गरे।
