- वि.सं २o८२ भदौ १३ शुक्रबार
कृषि विकास बैंकको सञ्चालक समिति अध्यक्षमा डिमप्रसाद पौडेल नियुक्त भएका छन् । पौडेललाई सञ्चालक समितिको अध्यक्ष बन्ने गरी अर्थ मन्त्रालयले सञ्चालक सदस्यमा नियुक्त गरेको थियो ।
बुधबार बसेको बैंक सञ्चालक समिति बैठकले उनलाई अध्यक्ष चयन गरेको हो । व्यवस्थापकीय क्षमताका आधारमा बैंकको सञ्चालकमा पठाइएको मन्त्रालयले जनाएको छ ।
नवनियुक्त अध्यक्ष पौडेल नेपाल वायुसेवा निगमका पूर्वमहाप्रबन्धकसमेत रहिसकेका छन् । उनीसँग निजी क्षेत्रका राष्ट्रिय तथा बहुराष्ट्रिय कम्पनीहरूको नेतृत्वमा रही २५ वर्षभन्दा लामो व्यावसायिक कार्यानुभव छ ।
