मुख्य समाचारफ्रन्ट पेजसमाचारनयाँ यात्रा २०२५दृष्टिकोणअर्थअन्तर्वार्ताखेलकुदविश्वफिचरप्रदेश
  • वि.सं Invalid date format
  • Friday, 29 August, 2025
किभ
Invalid date format o७:४७:oo
Read Time : < 1 मिनेट
विश्व प्रिन्ट संस्करण

रुसी आक्रमणमा युक्रेनमा कम्तीमा १९ को मृत्यु

Read Time : < 1 मिनेट
किभ
नयाँ पत्रिका
Invalid date format o७:४७:oo

रुसले बिहीबार बिहान किभसहित देशका धेरै भागमा भीषण आक्रमण गरेको छ । रुसले ठुलो संख्यामा मिसाइल र ड्रोन हमला गरेको अन्तर्राष्ट्रिय सञ्चार माध्यमले जनाएका छन् । आक्रमणमा परी कम्तीमा १९ को मृत्यु भएको बिबिसीले जनाएको छ ।

यसपटकको आक्रमणमा युक्रेनका लागि युरोपेली संघको मिसन कार्यालय र ब्रिटिस काउन्सिल पनि निसाना बनेका छन् । त्यस कदमको युरोपेली संघ र बेलायतले विरोध जनाएका छन् । आक्रमणमा धेरै भवनमा क्षति पुगेको छ ।

तिनमा धेरै मानिस फसेका हुन सक्ने बताइएको छ । खोजी र उद्धारका लागि ठुलो संख्यामा सुरक्षाकर्मी र उद्धारकर्मी खटाइएको अधिकारीले जनाएका छन् । युक्रेनी राष्ट्रपति भ्लोदिमिर जेलेन्स्कीले युद्धविरामको प्रयास चलिरहँदा रुसले जानी–जानी भयानक हत्या गरिरहेको बताएका छन् ।

१५ अगस्टमा अमेरिकी राष्ट्रपति डोनाल्ड ट्रम्पले रुसी राष्ट्रपति भ्लादिमिर पुटिनसँग युक्रेनमा युद्धविरामका लागि छलफल गरेका थिए । अलास्कामा भएको उक्त वार्तापछि ट्रम्पले पुटिन र जेलेन्स्कीबिच चाँडै वार्ता हुने बताएका थिए ।