- वि.सं Invalid date format
भैरहवा कारागारमा रहेका राष्ट्रिय स्वतन्त्र पार्टीका अध्यक्ष रवि लामिछानेको ललितपुरको नक्खु कारागारमा स्थानान्तरणको प्रक्रिया अघि बढेको छ । राष्ट्रिय मानव अधिकार आयोगको निर्देशनपछि उनको स्थानान्तरण हुन लागेको हो ।
कारागार व्यवस्थापन विभागले उनको नक्खु कारागारमा स्थानान्तरणका लागि रुपन्देही कारागारलाई शुक्रबार पत्र लेखेको छ । ‘उहाँको मागअनुसार नै नक्खु कारागारमा सरुवा गर्ने निर्णय गरेर रुपन्देही कारागारलाई पत्राचार गरेका छौँ,’ विभागका महानिर्देशक लीलाप्रसाद शर्माले भने, ‘जिल्ला कारागारले सुरक्षा व्यवस्थापन मिलाएर स्थानान्तरण गर्छ ।’
लामिछानेले तीन महिनाअघि नै जेल स्थानान्तरणका लागि निवेदन दिए पनि गृहमन्त्री रमेश लेखकको दबाबमा रोकिएको थियो । मानव अधिकार आयोगले गत साता उनी बसेको कारागारको निरीक्षण गरी स्थानान्तरण रोक्नुको कारणबारे जवाफ मागेको थियो । त्यसपछि विभागले उनको स्थानान्तरण प्रक्रिया अघि बढाएको हो ।
