- वि.सं २o८२ श्रावण २८ बुधबार
राष्ट्रिय स्वतन्त्र पार्टी केन्द्रीय युवा तथा खेलकुद विभागले मंगलबार मलेसियाको कुचिङमा भएको दसौँ एसियाली पारा–तेक्वान्दो च्याम्पियनसिप (जी ४)की कांस्य पदक पलेशा गोवर्धन र उनका प्रशिक्षक कविराज नेगी लामालाई सम्मान गरेको छ ।
अन्तराष्ट्रिय युवा दिवस २०२५ को उपलक्ष्यमा आयोजना गरिएको फ्युचर लिडर्स समिट २०२५ को अवसरमा रास्वपाको केन्द्रीय युवा तथा खेलकुद विभागका प्रमुख तोसिमा कार्की र नेपाल तेक्वान्दो संघका उपाध्यक्षलगायतले गोवर्धन र नेगीलाई सम्मानित गरेका हुन् ।
पलेशाले पेरिस २०२४ पाराओलम्पिक र हाङझाउ एसियन पारा गेम्समा ऐतिहासिक कांस्य पदक जितेकी थिइन् । उनले अहिलेसम्म दुई स्वर्ण र चार कास्य पदक जितेकी छिन् ।
सन् २०१५ देखि स्वयंसेवक प्रशिक्षक नेगी अन्तराष्ट्रिय लेवल २ प्रशिक्षक हुन् । उनले सन् २०१६ देखि पलेशालाई प्रशिक्षण गरिरहेका छन् । नेगीको प्रशिक्षणमा नेपालले पारातेक्वान्दो टोली १२ वटा अन्तर्राष्ट्रिय अफिसियल पदक नेपालले जितेको छ ।
