- वि.सं Invalid date format
राजावादी शक्तिहरूले आगामी जेठ १५ देखि अनिश्चितकालीन ‘जनआन्दोलन’ गर्ने घोषणा गरेका छन्।
बिहीबार एक कार्यक्रमबिच नवराज सुवेदीको संयोजकत्वमा गठित संयुक्त जनआन्दोलन समितिले अनिश्चितकालीन आन्दोलन घोषणा गरेको हो। उक्त आन्दोलनको संयोजन र परिचालन सोही समितिले नै गर्ने बताइएको छ।
शान्तिपूर्ण आन्दोलन गर्ने प्रस्ट पार्दै समितिले वर्तमान संविधानकै परिधिभित्रबाट संवैधानिक राजसंस्थासहितको प्रजातन्त्र र पूर्ण धार्मिक स्वतन्त्रतासहितको सनातन हिन्दुराष्ट्र स्थापनालगायतका एजेन्डा अघि सारेको छ।
समितिले गत चैत १५ गते तीनकुनेमा भएको प्रदर्शनका क्रममा पक्राउ परेका रवीन्द्र मिश्रलगायत सबैको रिहाइको मागसमेत गरेको छ।
