Skip This
-Open-20822025-04-22-05-02-06.png)
त्रिभुवन अन्तर्राष्ट्रिय विमानस्थलमा अवैध डलरसहित भारतीय महिला पक्राउ परेकी छिन्। विमानस्थलको अन्तर्राष्ट्रिय उडानतर्फको प्रस्थान होल्ड ब्यागेज चेकिङ एरियाबाट भारत लैजान लागेको अमेरिकी डलर ६० हजार १ सयसहित भारतीय नागरिक ४० वर्षीया सोनी गुरुङलाई बुधबार बिहान प्रहरीले पक्राउ गरेको छ ।
इन्डिगो एयरको उडानद्वारा काठमाडौंबाट दिल्ली जान लागेकी उनलाई जाँच गर्ने क्रममा उनको साथमा रहेको सुटकेसबाट उक्त अमेरिकी डलर फेला परेपछि पक्राउ परेकी हुन्।
उनलाई आवश्यक अनुसन्धान एवं कानुनी कारबाहीको लागि राजस्व अनुसन्धान विभाग हरिहरभवन पुल्चोक ललितपुर पठाइएको प्रहरीले जनाएको छ।
