- वि.सं २o८२ बैशाख ८ सोमबार
ताप्लेजुुङको पाथिभरा गइरहेको ट्याक्सीमा करेन्ट लागेर दुर्घटना हुँदा कम्तीमा चार जनाको मृत्यु भएको छ । पाथीभरा जाँदै गरेको ट्याक्सी फुङलिङ नगरपालिका १० तेश्रे भन्ने ठाउँमा पुगेपछि विजुलीको पोल ढलेको र सोही पोलबाट करेन्ट लागि केहीको मृत्यु भएको बताइएको छ ।
३०११ गाडी नम्बरको ट्याकसीमा कतिजना थिए भन्ने कुराको एकिन हुन नसकेको प्रहरी निरिक्षक तथा सूचना अधिकारी बिवेक बस्नेतले जानकारी दिए । सो क्षेत्रमा अहिले प्रहरी, एम्बुलेन्स र उद्धारकर्ताहरु पुगेको बताइएको छ । जिल्ला प्रहरी कार्यालयले कम्तिमा चार जनाको मृत्यु भएको बताए पनि अझै के कति हताहति भए भन्नेबारे अझै पुष्टी भइनसको प्रहरी निरिक्षक तथा सूचना अधिकारी बस्नेतको भनाइ छ । घटनाबारे अनुसन्धान भइरहेको उनले बताए ।
