- वि.सं २o८१ चैत २२ शुक्रबार
इजरायली प्रधानमन्त्री बेन्जामिन नेतन्याहुले पूर्वाधार र प्रमुख कोरिडोरलाई लक्षित गरी इजरायली सेना (आइडिएफ) ले गाजामा कारबाही तीव्र बनाएको बताए । सामाजिक सञ्जाल ‘एक्स’मा भिडियो सम्प्रेषण गर्दै नेतन्याहुले गाजामा आइडिएफले करिडोर नियन्त्रण गरेको र आतंककारीमाथि आक्रमण र पूर्वाधार नष्ट गरिरहेको
जानकारी दिए । उनले भने, ‘हामी मोराग करिडोर कब्जा गर्दै छाैं।यो अर्को फिलाडेल्फिया कोरिडोर हुनेछ ।’
नेतन्याहुले गाजामाथिको दबाब जारी रहने बताउँदै बन्धकहरू फिर्ता नभएसम्म गाजामाथि दबाब बढ्दै जाने चेतावनी दिए । उनले गाजामाथि चरणबद्ध रूपमा दबाब बढाई बन्धकहरू फिर्ता लिने विश्वास व्यक्त गरे । बन्धक फिर्ता नगरेसम्म दबाब बढिरहने उनको भनाइ थियो । प्रभु र सैनिकहरूको सहयोगमा बन्धकहरू फिर्ता ल्याउने उनले बताएका छन् ।
सोमबार इजरायली संसद्ले सर्वसम्मतिले गाजाका सीमावर्ती समुदायमा आर्थिक, पूर्वाधार र सामाजिक विकासका लागि १.३ अर्ब अमेरिकी डलर सहयोग स्वीकृत गरेको छ । सहयोग स्वीकृतको पक्षमा ३७–० मत परेको हो ।
