- वि.सं Invalid date format
मकवानपुरको भिमफेदीमा भिरबाट लडेर बिहीबार बिहान एकजनाको मृत्यु भएको छ । मृत्यु हुनेमा भिमफेदी गाउँपालिका –१ नयाँगाउका ४९ वर्षीय अकिल बहादुर पाख्रिन रहेका छन्। मकवानपुर प्रहरीका अनुसार पाख्रिन घरबाट अन्दाजी ६० मिटर टाढा रहेको बारीको पाटाको भिरबाट लडेर अन्दाजी दुईसय मिटर तल मृत अवस्थामा फेला परेका हुन् ।
खोजतलास गर्दा बिहीबार बिहान भिरमा भोर्लाको लहरामा अड्किएको अवस्थामा डढेलोको आगोले शरिर जलेको अवस्थामा फेला परेको हो । पाख्रिनको घरबाट अन्दाजी एकसय मिटर टाढा बोकेदह सामुदायिक बनमा लागेको डढेलो हेर्न बुधबार त्यहा पुगेका उनी घर नफर्किएपछी स्थानीयले खोजी गरेका थिए ।
पाख्रीनको शव पोष्टमार्टमका लागि हेटौंडा अस्पताल राखिएको मकवानपुर प्रहरी प्रवक्ता श्यामु अर्यालले जानकारी दिए। घटनाको बारेमा अनुसन्धान भइरहेको उनले बताए ।
2022-09-29-12-22-58.jpeg)
