पाँचदलीय गठबन्धनलाई फराकिलो मतान्तरले पराजित गर्दै अर्घाखाँचीको मालारानी गाउँपालिका वडा नम्बर ३ मा एमाले विजयी भएको छ । एमालेका डण्डपाणि पोखरेलको प्यानल नै विजयी भएको हो ।
पोखरेलले १४०८ मत प्राप्त गरेर विजयी भए भने उनका प्रतिद्वन्द्वी कांग्रेसका उम्मेदवार दुर्गाप्रसाद खनालले ९७२ मत प्राप्त गरेका छन् । खनाल ४३६ मतले पराजित भए।
मालारानीका ९ वडामध्ये पाँचवटा वडाको नतिजा सार्वजनिक भएको छ । जसमध्ये वडा नं १, ३ र ८ मा एमाले विजयी भएको छ भने वडा नं २ र ९ मा पाँचदलीय गठबन्धनबाट माओवादी केन्द्र विजयी भएको छ। बाँकी वडामा मतगणना कार्य जारी छ ।