- वि.सं २o७८ भदौ ४ शुक्रबार
एमाले नेता गोकर्ण विष्टले कार्यदलले बनाएको १० बुँदे सहमति अक्षरशः कार्यान्वयन गर्न लगाउने र नेकपा एमालेलाई एकजुट गर्न आफूहरू लागिपर्ने बताएका छन् ।
शुक्रबार महाराजगन्जस्थित एरिकल इभेन्ट्स होटेलमा भएको युवा नेताहरूको भेलापछि पत्रकारलाई संक्षिप्त जानकारी दिँदै विष्टले पार्टी एकताका लागि माधव नेपाललाई दल दर्ता गर्ने कुरा फिर्ता लिन लगाउने र पार्टी अध्यक्ष केपी शर्मा ओलीलाई पनि लचकता अपनाउन आग्रह गर्ने विषयमा छलफल भएको बताए ।
उनले सरकारले ल्याएको पार्टी विभाजनसम्बन्धी विधेयकको आफूहरूले विरोध गर्ने उल्लेख गरे ।
