- वि.सं २o८३ भदौ १७ बुधबार
रसुवाको भोटेकोशी बाढीबाट प्रभावित नागरिकको खोज, उद्धार तथा राहतका लागि यती पेन्ट्स नेपालले ११ लाख ११ हजार १११ रुपैयाँ आर्थिक सहयोग गरेको छ। यति पेन्ट्सले प्रधानन्त्री दैवीप्रकोप उद्धार कोषमा सो रकम जम्मा गरेको हो।
बाढीका कारण रसुवा, नुवाकोट, धादिङ, गोरखा, तनहुँलगायतका जिल्लामा ठुलो मानवीय तथा भौतिक क्षति भएपछि प्रभावित नागरिक र समुदायको सहयोगका लागि सामाजिक उत्तरदायित्वअन्तर्गत आर्थिक सहयोग गरिएको कम्पनीका अध्यक्ष झलकबहादुर केसीले जानकारी दिए।
प्राकृतिक विपत्तिका कारण प्रभावित क्षेत्रका नागरिकको राहत तथा पुनर्स्थापनाका लागि आर्थिक सहयोग गरिएको अध्यक्ष केसीको भनाइ छ। कम्पनीले विनाशकारी बाढीमा परी ज्यान गुमाएका नागरिकप्रति श्रद्धाञ्जली तथा शोकसन्तप्त परिवारप्रति समवेदना व्यक्त गरेको छ।
