- वि.सं २o८२ भदौ २६ बिहीबार
जाजरकोटको कुसे गाउँपालिका– ४, अछार्नीस्थित वडा कार्यालयमा अज्ञात समूहले गएराति आगजनी गरेको छ । बुधबार साँझ अज्ञात व्यक्तिहरूले वडा कार्यालयको ढोका तोडफोड गरी आगजनी गरेका हुन् ।
कुसे गाउँपालिका अध्यक्ष हरिचन्द्र बस्नेतका अनुसार आगजनीका क्रममा कार्यालयमा रहेका महत्त्वपूर्ण कागजातसहित कुर्सी, कम्प्युटर, प्रिन्टरलगायतका सामग्री जलेर नष्ट भएका छन् ।
जिल्ला प्रहरी कार्यालय जाजरकोटका प्रहरी प्रमुख वसन्तप्रसाद शर्माले घटनामा संलग्न व्यक्तिहरूको पहिचान हुन नसकेको बताए । ‘घटनास्थलमा प्रहरी खटाइएको छ, प्रारम्भिक अनुसन्धान भइरहेको छ, अहिलेसम्म आधिकारिक विवरण आइसकेको छैन।’
