- वि.सं Invalid date format
वीरगन्ज महानगरपालिकामा गोली चल्दा एक किशोरी घाइते भएकी छिन्। वीरगञ्ज– १६ स्थित मुस्कान होटलमा गोली चल्दा होटेलमा काम गर्ने भारत बेतियाकी १८ वर्षीय निशा सहनी घाइते भएकी हुन्।
सोमबार पौने ४ बजेको समयमा भारतकै झारखण्डका २८ वर्षीय प्रदीप कुमार शर्माले गोली चलाएका पर्साका प्रहरी नायब उपरिक्षक किशोर लम्सालले जानकारी दिए। उनका अनुसार होटेलमा काम गर्ने सहनीमाथी शर्माले मादक पदार्थ सेवन गरेर गोली प्रहार गरेको बुझिएको छ।
घाइते सहनीको बायाँ गालामा गोली लागेकाले नारायणी अस्पतालमा उपचार भइरहेको उनले बताए। घटनाको अनुसन्धानपछि थप कुरा खुल्ने प्रहरी नायब उपरिक्षक लम्सालले बताए।
