- वि.सं Invalid date format
सिटिजन्स बैंक इन्टरनेसनल लिमिटेडले गण्डकी, कर्णाली र सुदूरपश्चिम प्रदेशका आफ्ना शाखाहरूका प्रदेश प्रमुख, क्लस्टरहेड, शाखा–प्रबन्धक तथा अन्य कर्मचारीमाझ ‘इन्स्पाएरिङ लिडरसिप एन्ड पर्फर्मेन्स सेमिनार : अचिभिङ बजेट गोल्स एन्ड अपेरेसनल सक्सेस् इन गण्डकी, कर्णाली एन्ड सुदूरपश्चिम’ कार्यक्रम आयोजना गरेको छ।
सो सेमिनार बैंकका प्रमुख कार्यकारी अधिकृत गणेशराज पोखरेल, नायब प्रमुख कार्यकारी अधिकृत र वरिष्ठ कार्यकारीहरूको उपस्थितिमा सम्पन्न भएको हो। सेमिनारमा गत आर्थिक वर्षको कार्य प्रगति समीक्षा एवं चालू आर्थिक वर्षका प्राथमिकताहरूमा छलफल गर्दै केन्द्र र प्रदेशबिच सहकार्य सुदृढ गर्ने विषयमा गहिरो अन्तर्क्रिया भएकोे बैंकले जनाएको छ।
हालै मधेश, बागमती र कोशी प्रदेशमा यस्तै प्रकारको सेमिनार सञ्चालन गरिएको थियो। त्यसैको निरन्तरतास्वरूप गण्डकी, कर्णाली र सुदूरपश्चिम प्रदेशमा काठमाडाैंलाई केन्द्र बनाएर त्यसै किसिमको सेमिनार गरिएको बताइएको छ।
सिटिजन्स बैंक इन्टरनेसनल लिमिटेडले आर्थिक वर्ष ०८१/८२ को असार मसान्तसम्म कर्जा, निक्षेप, खुद ब्याज आम्दानीजस्ता सूचकमा दोहोरो अंकको वृद्धि गर्दै कोषको लागत घटाउने, बेस रेट कम गर्ने तथा कर्जा जोखिम व्यवस्थापनमा उल्लेखनीय सुधार गर्ने सफलता हासिल गरेको छ।
समीक्षा अवधिभरमा बैंककोे कर्जा प्रवाह ११.१५ प्रतिशत बढ्दै एक खर्ब ७५ अर्ब १६ करोड रुपैयाँ पुगेको छ। यसअघि ०८०/८१ को असार मसान्तमा यो रकम एक खर्ब ५७ अर्ब ५८ करोड रुपैयाँ थियो। निक्षेप संकलनमा पनि ११.६९ प्रतिशतको वृद्धि भएको छ, जसले कुल दुई खर्ब १४ अर्ब आठ करोड रुपैयाँको निक्षेप संकलन पुर्याएको छ । यो अघिल्लो वर्षको तुलनामा करिब २२ अर्ब रुपैयाँ बढी हो।
खुद व्याज आम्दानीमा ११.२० प्रतिशतको वृद्धि हुँदै यो रकम ६ अर्ब ३६ करोड रुपैयाँ पुगेको छ। कर्जा–निक्षेप अनुपात (सिडी रेसियो) ८१.९१ प्रतिशत रहेको छ, जसले बैंकको तरलता व्यवस्थापन सन्तुलित भएको देखाउँछ। यस अवधिमा सम्पत्ति प्रतिफल दर (आरओए) ०.५५ प्रतिशत र पुँजी प्रतिफल दर (आरओइ) ५.८१ प्रतिशत कायम भएको छ।
