Skip This
वीरगन्जमा चार दिनअघि भएको झडपमा संलग्न भएको आरोपमा प्रहरीले केही युवालाई नियन्त्रणमा लिएपछि फेरि प्रदर्शन सुरु भएको छ। गत ३० चैतमा भएको झडपमा संलग्न भएको आरोपमा प्रहरीले केही बेरअघि चारजनालाई पक्राउ गरेपछि विरोधमा प्रदर्शन सुरु भएको हो।
प्रदर्शनकारीहरूका अनुसार पर्सा प्रहरीले विनाकारण युवालाई पक्राउ गरेको छ। अहिले घण्टाघर, घडिअर्वा चोकसहित विभिन्न ठाउँमा प्रदर्शनकारीहरू टायर बालेर प्रदर्शन गरिरहेका छन्।
प्रदर्शन सुरु भएपछि सुरक्षाकर्मी परिचालन गरेको जिल्ला प्रशासन कार्यालय पर्साले जनाएको छ। प्रहरीले झडपमा संलग्न दुवै समुदायका २/२ जनालाई पक्राउ गरेको थियो।
यसअघि प्रशासनले दुई समुदायबिच सद्भाव भड्किन थालेको भन्दै वीरगन्जमा कर्फ्यु लगाएको थियो। वीरगन्जको केही क्षेत्रमा अझै निषेधाज्ञा जारी छ।
