- वि.सं Invalid date format
चिनियाँ राष्ट्रपति सी जिनपिङले मंगलबार भियतनामका दिवंगत क्रान्तिकारी नेता हो ची मिन्हलाई हनोई भ्रमणको अन्तिम दिन श्रद्धाञ्जली अर्पण गरेका छन्। अमेरिकी राष्ट्रपति डोनाल्ड ट्रम्पले उक्त भ्रमणले संयुक्त राज्यलाई ‘बिगार्ने’ लक्ष्य राखेको आरोप लगाएका छन्।
मलेसिया र कम्बोडिया समावेश हुने दक्षिणपूर्वी एसिया भ्रमणको एक हिस्साका रूपमा सी भियतनाममा छन्। ती मुलुकका नेताहरूले अमेरिकी भन्सार शुल्कको सामना गरिरहेको बेला बेइजिङले आफूलाई ट्रम्पको स्थिर विकल्पका रूपमा स्थापित गर्न खोजिरहेको छ।
बेइजिङको सरकारी मिडियाका अनुसार चिनियाँ राष्ट्रपति सीले सोमबार आफ्नो देश र भियतनामलाई ‘एकपक्षीय धम्कीको विरोध गर्न र विश्वव्यापी स्वतन्त्र व्यापार प्रणालीको स्थिरतालाई कायम राख्न’ आह्वान गरे।
केही घण्टापछि ट्रम्पले ह्वाइट हाउसमा पत्रकारहरूलाई उनीहरूको बैठक संयुक्त राज्यलाई चोट पुर्याउने उद्देश्यले थियो भने। ‘म चीनलाई दोष दिन्नँ। म भियतनामलाई दोष दिन्नँ। मैले देखेँ कि उनीहरू आज भेट्दै छन्, र त्यो अदभूत छ,’ उनले भने, ‘त्यो एक सुन्दर बैठक हो...संयुक्त राज्य अमेरिकालाई कसरी बिगार्ने भनेर पत्ता लगाउने प्रयासजस्तै।’
चीन र भियतनामले सोमबार आपूर्ति शृंखला, कृत्रिम बौद्धिकता (एआई), संयुक्त समुद्री गस्ती र रेलमार्ग विकाससहित ४५ सहयोग सम्झौतामा हस्ताक्षर गरेका छन्।
सीले सोमबार भियतनामका शीर्ष नेता तो लामसँगको बैठकमा उनीहरूको देशहरू ‘इतिहासको निर्णायक विन्दुमा उभिएका बताउँदै संयुक्त हातहरू अगाडि बढ्नुपर्ने बताएका थिए। भियतनाम समाचार एजेन्सीका अनुसार लामले वार्तापछि दुई नेताले ‘धेरै महत्त्वपूर्ण र व्यापक साझा धारणाहरू प्राप्त गरेको’ बताए।
