- वि.सं २o८१ चैत ३० शनिबार
भरतपुर अस्पतालले वातावरण प्रदूषक प्लास्टिकका झोलामा प्रतिबन्ध लगाएको छ।
अस्पतालका मेडिकल सुपरिटेन्डेन्ट डा. कृष्णप्रसाद पौडेलका अनुसार अस्पतालको फार्मेसी र अस्पतालभित्रका खाजा घरमा पनि प्लास्टिकका झोला प्रयोगमा रोक लगाइएको हो। उनले भने, 'फार्मेसीमा औषधि दिँदा र खाजाघरमा कागजको झोलाको प्रयोग गरिएको छ।'
अस्पतालमा बिरामी भेट्न आउँदा कागजका झोला र कपडाका झोला प्रयोग गर्न अस्पतालले बिरामीका आफन्तहरूलाई आग्रह गरेको छ।
अस्पतालले कुनै पनि कार्यक्रममा प्लास्टिकका सामग्रीको प्रयोग नगर्ने उनले बताए। प्लास्टिकका झोलाले वातावरणलाई हानि गर्ने भएकाले प्रयोगमा रोक लगाइएको हो।
