- वि.सं २o८१ चैत २८ बिहीबार
सुर्खेत उपत्यका नगर विकास समितिका सहायक लेखापाल राजस्व हिनामिनाको आरोपमा पक्राउ परेका छन्।
अख्तियार दुरुपयोग अनुसन्धान आयोगको टोलीले सहायक लेखापाल खड्कबहादुर रानालाई सम्बन्धित कागजातसहित सुर्खेत उपत्यका नगर विकास समितिको कार्यालयबाट बुधबार पक्राउ गरेको हो ।
उनले आर्थिक वर्ष ०७६/७७ देखि ०८०/८१ सम्म संकलन गरेको राजस्व रकम हिनामिना गरेको प्रारम्भिक छानबिनमा खुलेपछि पक्राउ गरिएको आयोगले जनाएको छ।
