- वि.सं २o८१ असार ३१ सोमबार
प्रधानमन्त्री केपी ओलीसँग सात साउनमा प्रतिनिधिसभामा प्रत्यक्ष प्रश्नोत्तर कार्यक्रम सञ्चालन हुने भएको छ।
प्रतिनिधिसभा नियमावली परिच्छेद ९ बमोजिम प्रत्येक महिनाको पहिलो साता प्रधानमन्त्रीसँग प्रश्नोत्तर कार्यक्रम सञ्चालन हुँदै आएको छ। ३० साउनमा प्रधानमन्त्री नियुक्त भएका ओलीसँग सात साउनमा प्रत्यक्ष प्रश्नोत्तर हुन लागेको हो।
सभामुख देवराज घिमिरेले प्रतिनिधिसभाको सोमबारको बैठकमा प्रश्नोत्तरबारे जानकारी गराएका छन्। प्रधानमन्त्रीसँग प्रत्यक्ष प्रश्नोत्तर कार्यक्रममा प्रश्न सोध्नका लागि चार साउन शुक्रबार दुई बजेसम्मको समय छ।
नियमावलीअनुसार समूह ६ मा रहेका सदस्यहरूले संसद् सचिवालयमार्फत प्रधानमन्त्रीलाई प्रश्न बुझाउन सक्नेछन्। प्रश्नहरूको प्रधानमन्त्रीले जवाफ दिनेछन्।
प्रतिनिधिसभाको अर्को बैठक ६ साउन दिउँसो १ बजे बस्नेछ।
