- वि.सं २o८o असोज १४ आइतबार
भारतबाट तस्करी गरी ल्याइएको सय थान रेडियो सेट सशस्त्र प्रहरीले बरामद गरेको छ। सप्तरी जिल्लाको छिन्नमस्ता गाउँपालिका– २ मोहनपुरबाट करिब आठ लाख रुपैयाँबराबरको रेडियो सेट बरामद भएको हो।
सशस्त्र प्रहरी बल नेपाल बिओपी छिन्नमस्ताले सो सामान बरामद गरेको हो। उक्त सेट ल्याउने व्यक्ति भने गस्तीमा रहेको सुरक्षा फौजलाई टाढाबाट देख्नासाथै फरार भएका थिए।
विशेष गरी सुरक्षाकर्मीले प्रयोग गर्ने रेडियो सेट के प्रयोजनका लागि ल्याइएको थियो भन्ने खुल्न नसकेको सशस्त्र प्रहरी बलका सहप्रवक्ता डिएसपी शैलेन्द्र थापाले बताए।
