- वि.सं Invalid date format
साताको पहिलो कारोबार दिन आइतबार नेपाल स्टक एक्सचेन्ज (नेप्से) परिसूचक ४२.१४ अंकले घटेको छ। आज नेप्से २.०९ प्रतिशतले घटेर एक हजार नौ सय ६४.९१ अंकमा कायम भएको हो।
आज दुई सय ७८ कम्पनीको ५६ लाख ५९ हजार चार सय ५८ कित्ता सेयर ७२ हजार चार सय ७७ पटक खरिद–बिक्री हुँदा रु. दुई अर्ब दुई करोड ८४ लाख ६५ हजार ६ सय १० बराबरको कारोबार भएको छ।
सबै समूहको उपसूचक घटेकोमा सबैभन्दा धेरै व्यापार समूहको उपपूचक ३.३३ र वित्त समूह ३.३० प्रतिशतले घटेको छ। बैंकिङ १.४२, विकास बैंक २.५९, होटेल तथा पर्यटन ३.२९, जलविद्युत् २.७९ र लगानी समूह १.९१ प्रतिशतले घटेको छ। त्यस्तै, जीवन बिमा समूहको उपसूचक २.९७, उत्पादन तथा प्रशोधन समूह १.६०, लघुवित्त १.८५, म्युचुअल फन्ड ०.३५, निर्जीवन बिमा २.५९ र अन्य समूह १.९९ प्रतिशतले घटेको छ।
यस दिन शुभम् पावर लिमिटेडको सेयर मूल्यमा सकारात्मक सर्किट लागेको छ। सबैभन्दा धेरै गुमाउने मोलुङ हाइड्रोपावर कम्पनी लिमिटेडको सेयर मूल्य ९.२१ प्रतिशतले घटेको छ। रासस
