- वि.सं २o८o श्रावण ९ मंगलबार
नेपाली कांग्रेसका प्रमुख सचेतक रमेश लेखकले कांग्रेस अब नयाँ ध्रुवीकरणको चरणमा प्रवेश गरेको बताएका छन्।
मंगलबार काठमाडौंमा आयोजित चियापान समारोहलाई सम्बोधन गर्दै उनले पार्टीमा नेतृत्व परिवतर्नको कुरा स्वाभाविक प्रक्रिया रहेको बताए। लेखकले भने, ‘कांग्रेस अब नयाँ ध्रुवीकरणको चरणमा प्रवेश गर्दै छ । फेरबदल अहिले कति देखिए कति देखिएनन्, तर फेरबदल स्वाभाविक हुन् र यी हुन्छन्।’
केन्द्रीय समितिको बैठकले आमनागरिकको जनजीविकाबारेमा विशेष छलफल गरेको उनको भनाइ थियो। बैठकको निर्णय बुधबार सार्वजनिक हुने लेखकले जानकारी दिए।
