Read Time : < 1 मिनेट
२o८१ बैशाख २४ सोमबार १६:२३:oo
बुधबार विभिन्न स्थानमा अविरल वर्षासँगै आएको असिनापानीका कारण बाजुराका गहुँ, स्याउ, सुन्तलालगायतका बाली नष्ट भएको छ। अन्न तथा फलफूल बाली नष्ट भएपछि कृषक चिन्तित बनेका छन्।
असिनापानीले त्रिवेणी, बुढीगंगा, खप्तड र छेडेदह गाउँपालिकामा गहुँ बालीसँगै अन्य नगदे बाली ठूलो मात्रामा नष्ट भएको कृषि ज्ञान केन्द्र बाजुराले जनाएको छ। वर्षभरि मिहिनेत गरेर लगाएको खेती भित्र्याउने वेलामा असिनापानीले नष्ट गरेको भन्दै बुढीगंगा– ४ का कृषक कृष्ण खातीले चिन्ता व्यक्त गरे।
कृषकलाई राहत प्रदान गर्न प्रारम्भिक चरणमा क्षतिको विवरण संकलनका लागि सम्बन्धित वडामा नाम टिपाउन कृषि ज्ञान केन्द्रका प्रमुख हरि पनेरूले किसानलाई आग्रह गरेका छन्।
