- वि.सं २o८o जेठ २ मंगलबार
चितवनमा भारी असिनापानी वर्षा भएको छ। हावाहुरी र चट्याङसहित परिरहेको पानीले जनजीवन प्रभावित भएको छ।
मौसम पूर्वानुमान महाशाखाका अनुसार हाल देशमा पश्चिमी वायुको साथै स्थानीय वायुको सामान्य प्रभाव रहेको छ।
महाशाखाले कोसी प्रदेश, बागमती प्रदेश, गण्डकी प्रदेश र कर्णाली प्रदेशका केही स्थानहरू तथा बाँकी प्रदेशका पहाडी भू–भागका एक–दुई स्थानमा मेघगर्जन- चट्याङसहित क्षणिक वा हल्का वर्षा-हावाहुरीको समेत सम्भावना भएकाले त्यसबाट हुन सक्ने क्षति-जोखिमबाट बच्न आवश्यक सतर्कता अपनाउन अनुरोध गरेको छ।
