Skip This
जनमत पार्टीका अध्यक्ष एवं सांसद चन्द्रकान्त (सिके) रावतले संसदमा उभिएर बोल्न पाएकोमा खुसी व्यक्त गरेका छन्।
सोमबार प्रतिनिधिसभाको नयाँ कार्यकालको पहिलो बैठकमा उनले कुनै समय आफ्नो नाम लिनसमेत निषेध गरिएको संसदमा आफू स्वयं उभिन पाएको उल्लेख गर्दै उनले खुसी व्यक्त गरेका हुन्।
लोकतान्त्रिक व्यवस्था र जनमतका कारण नै यो सम्भव भएको उनको भनाइ छ। ‘जुन ठाउँमा कुनै वेला मेरो नाम मात्र लिन पनि निषेध गरिएको थियो, त्यो ठाउँमा आज आफैँ उभिएर बोल्न पाउँदा एउटा नयाँ अनुभूति भएको छ,’ उनले भने, ‘यो अवसर प्रदान गर्ने लोकतान्त्रिक व्यवस्था र जनताको अभिमतलाई सबैभन्दा पहिले धन्यवाद दिन चाहन्छु।’
