राष्ट्रिय स्वतन्त्र पार्टीका प्रवक्ता मुकुल ढकालले परिवर्तनको आभास हुने गरी न्यूनतम साझा कार्यक्रम आएको दाबी गरेका छन्। शुक्रबार सिंहदरबारमा बसेको सरकारको न्यूनतम साझा कार्यक्रम मस्यौदा कार्यदलको बैठकपछि उनले यस्तो बताएका हुन्।

‘यो सरकार जनतालाई केही दिने सरकार हो’ भन्ने महसुस गराउने गरी न्यूनतम साझा कार्यक्रम तयार पारेको उनको दाबी छ। ‘जनतालाई अबचाहिँ केही हुन्छ भन्ने आभास हुने खालका कार्यक्रम आएका छन्। जनतालाई परिवर्तनको आभास दिलाउने सरकार हो भन्ने महसुस गराउने गरी न्यूनतम साझा कार्यक्रम आउने छन्,’ उनले भने।

ढकालका अनुसार आजको बैठकले आफ्नो प्रतिवेदनलाई पूर्णता दिएको छ। उनले शनिबार शीर्ष नेताहरूको संयन्त्रमा सरकारका न्यूनतम साझा कार्यक्रम प्रस्तुत गर्ने बताए।