- वि.सं २o८२ श्रावण २७ मंगलबार
प्रधानमन्त्री केपी ओलीले ०८४ पछि पनि एमाले वा कांग्रेसकै नेतृत्वमा सरकार बन्ने बताएका छन् । मंगलबार आयोजित भूमि समस्या समाधान आयोगको वार्षिक समीक्षा गोष्ठीलाई सम्बोधन गर्दै उनले बताएका हुन् ।
ओलीले अबको निर्वाचनबाट पनि कुनै अर्को पार्टीको नेतृत्वमा सरकार बन्छ की भन्ने सोच्नुको अर्थ नभएको बताए ।
‘‘अब अढाई वर्ष जति छ । यो सरकार ०८४ को पुससम्म जान्छ । त्यसपछि तपाईंहरू यो नठान्नुस् की कोही अर्को नेतृत्व आउँछ। तपाईंहरूलाई अहिले नै भनिदिन्छु,’ उनले भने, ‘कि एमालेले सरकार बनाउँछ, एमालेले बनाएन भने कांग्रेसले बनाउने हो । कांग्रेसले बनाएन भने एमाले–कांगेसले बनाउँछन् । यो तीनवटा बाहेक अर्को कुनै विकल्प छैन ।’
अहिलेको सरकार स्थिर सरकार भएकाले ढुक्कसँग भुमिहीनहरूलाई लालपुर्जा वितरण गर्नेगरी काम गर्न पनि उनले आयोगका पदाधिकारीहरुको ध्यानाकर्षण गराए ।
