- वि.सं Invalid date format
मिडिया उद्यमीहरूको संस्था नेपाल मिडिया सोसाइटीको अध्यक्षमा मदन लम्साल चयन भएका छन् । शुक्रबार काठमाडौंमा सम्पन्न सोसाइटीको २२औँ वार्षिक साधारणसभाले आर्थिक अभियानका लम्सालको नेतृत्वको कार्यसमिति चयन गरेको हो ।
उपाध्यक्षमा धर्मराज भुसाल (हिमालय टिभी) र महेश स्वाँर (कान्तिपुर दैनिक), महासचिवमा बोधराज त्रिपाठी (सौर्य दैनिक), सचिवमा नवराज कुँवर (बुटवल टुडे दैनिक) र कोषाध्यक्षमा जनक पन्त (टिभी टुडे) चयन भएका छन् ।
त्यस्तै, सदस्यहरूमा डा. बालकृष्ण चापागाईं (दैनिक पत्र दैनिक), निकिता पौडेल (गोपीकृष्ण टिभी फिल्मी), विनोद पौडेल (मिसन टुडे), सुरेन्द्रबहादुर सिंह (गौरीशंकर टिभी) र राजन पोखरेल (द हिमालयन टाइम्स) छन् । निवर्तमान अध्यक्ष शुभशंकर कँडेल (एबिसी टिभी) हुन् ।
मिडिया सोसाइटीका संस्थापक अध्यक्ष कैलाश सिरोहिया (कान्तिपुर मिडिया ग्रुप) र क्याप्टेन रामेश्वर थापा (अन्नपूर्ण मिडिया नेटवर्क) लाई सल्लाहकार समितिमा चयन गरिएको छ । साधारणसभाले सातबुँदे काठमाडौं घोषणापत्र पनि जारी गरेको छ । संविधान र प्रेस स्वतन्त्रतासम्बन्धी अन्तर्राष्ट्रिय मूल्य–मान्यता तथा मर्म र भावनाविपरीतका कार्य बन्द गर्न माग गरेको छ ।
