- वि.सं २o८२ असार १४ शनिबार
जल तथा मौसम विज्ञान विभागले आज बेलुकादेखि सोमबार बिहानसम्म १२ जिल्लामा भारी वर्षाको प्रक्षेपण गरेको छ। ती जिल्लामा उच्च सतर्कता अपनाउन भनिएको छ ।
राष्ट्रिय विपत् जोखिम न्यूनीकरण तथा व्यवस्थापन प्राधिकरणले शनिबार विशेष सूचना प्रकाशन गरी उच्च सतर्कताका लागि अनुरोध गरेको हो।
प्राधिकरणका अनुसार लुम्बिनीका बाँके, बर्दिया र दाङ, कर्णालीका सुर्खेत, सल्यान र दैलेख तथा सुदुरपश्चिम प्रदेशका बैतडी, डडेल्धुरा, डोटी, अछाम, कैलाली र कञ्चनपुरमा भारी वर्षाको जोखिम छ ।
यो अवधिमा सकेसम्म यात्रा नगर्न, नदीकिनारमा नजान तथा डुबानमा पर्न सक्ने क्षेत्रका बासिन्दाहरू सतर्क भएर बस्न प्राधिकरणले आग्रह गरेको छ। ती जिल्लाका सुरक्षा निकायलाई पनि गृह मन्त्रालयले सतर्क र तयारी अवस्थामा रहन भनेको छ।
