Skip This
सशस्त्र प्रहरी बल नेपाल नं. ९ गण हेडक्वाटर जलसागर मातहतको बिओपी मनराले गस्ती गर्ने क्रममा भारत तस्करी गर्न लागेको ५९ किलो तयारी गाँजा नियन्त्रणमा लिएकाे छ । मंगलबार मध्यबिहान मनरा सिस्वा नगरपालिका ९ बथनाहास्थित सिमा नजिकैको क्षेत्रमा सशस्त्र प्रहरी निरिक्षक योगेश कुमार खड्का नेतृत्वको टोलीले केहि मानिसहरु भारी बोकेर उखुघारी हुँदै पोकाहरु सिमा कटाउन लागेको देखेर समात्न खोजेपछि भरियाहरु भागेका थिए ।
मदिरा तस्करीको आशंकामा उनीहरु समात्न खोजेको टोलीले फालिएको पोकाभित्र गाँजा फेला पारेको हो । पक्राउ परेको गाँजा आवश्यक कारबाहीका लागि जिल्ला प्रहरी कार्यालय महोत्तरी पठाइए सशस्त्र प्रहरी बल नेपाल नं. ९ गण हेडक्वाटर जलसागरका गणपति एसपी पुरन चन्द्र भट्टले बताए ।
