- वि.सं २o८२ बैशाख १६ मंगलबार
तीन मन्त्रीको उपस्थितिमा आन्दोलनरत शिक्षकहरूसँग वार्ता चलिरहेको छ।
शिक्षकहरूसँगको वार्तामा शिक्षामन्त्रीसँगै अर्थमन्त्री विष्णु पौडेल र गृहमन्त्री रमेश लेखक पनि सहभागी भएका हुन्। शिक्षामन्त्री रघुजी पन्तसँग शिक्षकहरू केही समयअघिदेखि वार्तामा बसिरहेका छन्। तर, शिक्षकहरूका कतिपय मागको गाँठो फुकाउन अर्थ र गृह प्रशासन पनि चाहिने भएकोले अर्थ र गृहमन्त्री पनि थपिएका हुन्। तीन मन्त्रीसहितको उपस्थितिमा जारी आजको वार्ता निर्णायक हुने अनुमान गरिएको छ। त्यस्तै, शिक्षक महासंघका तर्फबाट १२ जनाको टोली वार्तामा सहभागी छ।
