- वि.सं Invalid date format
रुस र युक्रेनबिच शान्ति सम्झौताको प्रयास भइरहेको र ‘सफलतापूर्वक’ सम्झौतामा पुग्ने विश्वास अमेरिकी राष्ट्रपति डोनाल्ड ट्रम्पले लिएका छन्।
राष्ट्रपति ट्रम्पले रुस र युक्रेन सम्झौताको निकै नजिक पुगेको बताए। अमेरिकी विशेष दूत स्टिभ ह्विटकोफ र रुसी राष्ट्रपति भ्लादिमिर पुटिनबिच मस्कोमा भएको भेटवार्ताको केही घण्टापछि ट्रम्पले यस्तो दाबी गरेका हुन्।
रुसी नेता पुटिनका सहयोगी युरी उसाकोभले पुटिन र स्टिभ विटकोफबिच भएको वार्ता ‘रचनात्मक र फलदायी’ भएको बताए। अमेरिकी राष्ट्रपति डोनाल्ड ट्रम्पले रुस र युक्रेनबिच शान्ति सम्झौता गर्ने प्रयास सफलतापूर्वक अघि बढेको बताए।
यसैबिच युक्रेनका राष्ट्रपति भोलोदिमिर जेलेन्स्कीले शुक्रबार राति एक भिडियो सम्बोधनमा भनेका छन्, ‘रुसलाई विनासर्त युद्धविराम स्वीकार गर्न वास्तविक दबाब दिन आवश्यक छ,’ पुटिनले जेलेन्स्कीसँग ससर्त वार्ता गर्न आफू तयार रहेको हालै संकेत गरेका छन्।
