- वि.सं Invalid date format
मासु खाँदा घाँटीमा हड्डी अड्किएर अछाममा एक जनाको मृत्यु भएको छ । जिल्लाको साँफेबगर नगरपालिका–५ नवाठानाका ४२ वर्षीय डम्बर बहादुर कुवँरको घाँटीमा हाड अड्किएर मृत्यु भएको हो ।
जिल्ला प्रहरी कार्यालय अछामका प्रमुख प्रहरी नायव उपरीक्षक ईश्वरीप्रसाद भण्डारीका अनुसार चैते दशैँको अवसरमा अष्टमीमा काटिएको बोकाको मासु खाने क्रममा उनको घाँटीमा हड्डी अड्किएको थियो ।
हड्डी अड्किएर बेहोस भएका कुवँरलाई उपचारका लागी न्याय हेल्थ अस्पताल बयालपाटा ल्याइएको थियो । प्रहरीका अनुसार उनको उपचारकै क्रममा मृत्यु भएको हो । चिकित्सकहरुले शनिवार दिउँसो १२ बजे उनलाई मृत घोषणा गरेका थिए ।
