- वि.सं २o८१ फाल्गुण ११ आइतबार
चन्द्रागिरि नगरपालिका–२, नागढुंगामा तीन सय ५४ ग्राम सुनसहित भारत उत्तर प्रदेश गोन्डा बस्ने ३० वर्षीय राकेश कुमारलाई आइतबार बिहान प्रहरीले पक्राउ गरेको छ।
प्रहरी प्रभाग नागढुंगासमेतबाट खटिएको प्रहरीले बेलहियाबाट काठमाडौंतर्फ आउँदै गरेको लु.२ ख ४४१५ नम्बरको बसमा सवार उनलाई चेकजाँचको क्रममा पक्राउ गरेको हो। थप कारबाहीका लागि उनलाई राजस्व अनुसन्धान विभाग पठाइने जिल्ला प्रहरी परिसर काठमाडौंले जनाएको छ।
