- वि.सं २o८१ कार्तिक २९ बिहीबार
कैलालीको धनगढीमा प्रहरीले साढे ३६ किलो लागूऔषध चरेस बरामद गरेको छ । धनगढी उपमहानगरपालिका–५, लब्लीचोकबाट गत आइतबार बेलुकी ३६ किलो ६६२ ग्राम चरेस बरामद गरिएको जिल्ला प्रहरी कार्यालयले जनाएको छ ।
वडा प्रहरी कार्यालय धनगढीबाट खटिएको टोलीले अफ्फाबेट नखुलेको १०७२ नम्बरको मोटरसाइकलबाट उक्त चरेस बरामद गरेको जिल्ला प्रहरी कार्यालयका प्रवक्ता प्रहरी नायब उपरीक्षक कविन्द्रसिंह बोहराले जानकारी दिए ।
प्रहरीका अनुसार मोटरसाइकल चेकजाँच गर्न खोज्दा चालक र पछाडि सवार व्यक्ति बोरामा राखेको चरेस छोडेर फरार भएका थिए । उनीहरुको पहिचान हुन नसकेको प्रहरीले जनाएको छ । दुवैजनाको खोजी कार्य भइरहेको प्रहरी नायब उपरीक्षक बोहराले बताए ।
2024-09-18-01-30-27.gif)
2024-09-18-01-30-29.gif)
